Zv/ministri Blerim Gashani ka rrëfyer kujtimin e tij për ditët e 5, 6 dhe 7 marsit të vitit 1998, kur u vranë heronjtë Adem e Hamëz Jashari si dhe anëtarë të tjerë të familjes Jashari.
Gashani ka shkruar se natën mes 5 dhe 6 marsit, me kushërinjtë, e kishin ndërruar njëri-tjetrin në roje
“Diku, afër mëngjesit, me kushëririn tim, tashmë të ndjerë, Bajram (Halil) Gashanin, dolëm në turnin tonë. Ishte rreth orës katër e gjysmë dhe krismat e prenin ajrin e ftohtë dhe arrinin te gërryenin veshët dhe, sidomos, zemrat tona!”, ka shkruar ai.
Krismat kishin vazhduar edhe ditën tjetër kur ishin përdorur edhe mitralozë të rëndë derisa ranë heroikisht anëtarët e familjes Jashari.
“Familja Jashari po pushonin pak! Po mbanin pak qetësi për të hyrë triumfalisht në histori!”, ka shkruar ai.
