50 të dëbuarve të Shteteve të Bashkuara të Amerikës së shpejti do ti bëj konak Kosova.
Strehimin e migrantëve që kanë qëndruar ilegalisht në Amerikë e konfirmoi vetë qeveria në detyrë të mërkurën.
Kryeministri në detyrë, Albin Kurti bëri të ditur që këta persona do të qëndrojnë brenda një periudhe njëvjeçare me qëllim të lehtësimit të kthimit të tyre të sigurt në vendin e prejardhjes.
Por kryeministri Kurti të enjten nuk dha detaje se kur do të vendosën të dëbuarit e Amerikës në Kosovë.
“Janë ekipet e juristëve tan që bisedojnë me palën amerikane për detajet. Këtë përgjigje do ta gjeni në aspektin teknik në MPB”, tha Kurti
E mirënjohës ndaj Kosovës është shprehur Departamenti Amerikan i Shtetit.
“Ne jemi mirënjohës ndaj partneres sonë, Kosovës, për pritjen e shtetasve të vendeve të treta të larguar nga SHBA-ja dhe për lehtësimin e kthimit të sigurt të këtyre të huajve në vendet e tyre të origjinës”, thuhet nga DASH.
Por sa i plotëson kushte Kosova për strehimin e 50 imigrantëve të tjerë.
“Kjo tregon përkushtim dhe respekt ndërsjellët ndërmjet SHBA-së dhe Kosovës. Përafërsisht kemi 1.6 milionë banor në aspektin ekonomik nuk është që mund të pranoj azilantë të shumët, mirëpo këta që vijnë këta emigrant jo në kurriz të Kosovës pasi për këta përkujdeset SHBA-ja dhe nuk është një kosto që do të kushtojë Kosovës”, ka vlerësuar eksperti i sigurisë.
Qeveria e Kosovës ka bërë të ditur se përzgjedhja e personave do të bëhet nga një listë e propozuar, për aq sa ata i plotësojnë kriteret e caktuara lidhur me sundimin e ligjit dhe rendin publik.
Gjatë qëndrimit të tyre në Kosovë, këta persona do të veprojnë në përputhje me legjislacionin në fuqi dhe do të gëzojnë të drejtat e përcaktuara po sipas legjislacionit tonë në fuqi.
Më parë, Kosova kishte strehuar edhe rreth 1.900 shtetas afganë, që ishin evakuuar nga Afganistani pas rikthimit të talibanëve në pushtet në vitin 2021.
