Nga 3 prilli ka hyrë në fuqi Ligji i Ri për Rregullat e Trafikut Rrugor.
Me ç’rast, Policia e Kosovës ka paralajmëruar këmbësorët që nuk respektojnë rregullat në trafik.
Në postimin e tyre, thuhet se kalimi i rrugës jashtë vendkalimeve të shënuara për këmbësorët apo kalimeve të veçanta, ndëshkimi ndaj tyre do të jetë me gjobë prej 50 euro.
“Nga data 3 prill 2024 ka hyrë në fuqi Ligji i ri për Rregullat e Trafikut Rrugor. Kalimi i rrugës jashtë vendkalimeve të shënuara për këmbësorë apo kalimeve të veçanta, mund të bëhet vetëm në rastet kur vendkalimi më i afërt për këmbësorë është më larg se pesëdhjetë (50) metra në vendbanime dhe me larg se njëqind (100) metra jashtë vendbanimeve. Mosrespektimi i kësaj rregulle ndëshkohet me gjobë prej 50 euro”, thuhet në postimin e tyre.
Njëherit, më poshtë kanë renditur disa këshilla për të gjithë qytetarët:
- Bëhu i dukshëm!
- Përdor vendkalimin e këmbësorëve!
- Respekto semaforin!
- Shiko majtas, shiko djathtas, shiko majtas edhe një herë pastaj kalo!
- Mos përdor telefonin, dëgjueset në veshë apo pajisjet e tjera të ngjashme që mund t’ju hutojnë!
- Shfrytëzo vendkalimin për këmbësorë dhe ec në trotuar!
- Në rrugët pa trotuare, ec në anën e majtë!
- Kujdesi shpëton jetë!
- Për sigurinë tuaj, vishni rroba të ndritshme ose mbani me vete materiale reflektues apo dritë të bardhë gjatë natës për t’ju ndihmuar juve dhe ngasësve që të jeni të dukshëm!/teve1.info/.
