Kryetari i Aleancës së Ardhmërisë së Kosovës, Ramush Haradinaj, në 5-vjetorin e formimit të Ushtrisë së Kosovës, ka shkruar se tani janë plotësisht të gatshëm të shërbejnë për paqe dhe siguri edhe përtej kufijve të vendit.
Përmes një postimi në Facebook, Haradinaj këtë ditë e ka quajtur si historike për vendin.
“Kosovë, urime 5-vjetorin e Ushtrisë! 14 Dhjetori i 2018-së ishte ditë historike për vendin, ditë kur Kosova krijoi ushtrinë e vet, për t’u rreshtuar në krah me ushtritë e paqës, në krye me ShBA dhe NATO. Sot, në përvjetorin e 5-të të krijimit të saj, Ushtria e Kosovës është plotësisht e gatshme të shërbejë për paqe dhe siguri edhe përtej kufijve të vendit tonë, si anëtare e NATO-s, që është edhe objektiv i yni madhor. Në këtë përvjetor, po e rikthej në vëmendjen tuaj një fjalë timen, nga zemra, ditën kur u formua Ushtria”, thuhet në postimin e Haradinaj.
Njëherit, kreu i AAK-së, është shprehur mirënjohës ndaj Shteteve të Bashkuara të Amerikës.
