Tash e pesë vite, Mevlyde Zeka gjen ngushëllim tek kjo foto e të birit, Aulonit.
Shtatori i vitit 2017, ka qenë periudha kur djali i saj 16 vjeç është vrarë në kryeqytet.
E gjithë mërzinë ajo mundohet të largojë nga kujtimet që ka për të, duke u lutur që rastet e fundit të ndodhura të mos përsëriten.
E pavarësisht që janë bërë kaq vite, nëna e Aulonit ende kujton se si e kishte mësuar se djali i saj është vrarë.
Me lot në sy e buzëdridhur, ajo tregon se për këto pesë vite, ky rast është kthyer në rigjykim disa herë.
Teksa shpreh dhimbjen për dhunimin e 11 vjeçares nga pesë persona, nëna e të ndjerit Zeka ka një porosi për institucionet.
Aulon Zeka është gjetur i vrarë me 15 shtator të vitit 2017, në rrugën Gjon Sereqi në Prishtinë.
Në proces gjyqësor për rastin e Zekës po gjykohen tre persona. Dy prej tyre janë të gjinisë mashkullore G.H dhe L.Ll dhe një e gjinisë femërore R.G.
Kronika e realizuar nga gazetarja Fetije Kamberi.