Sado përpiqemi të kujdesemi për flokët, shpesh ndodh që pa e ditur bëjmë gjëra që mund t’i dëmtojnë përgjithmonë.
Për t’i mbajtur flokët tuaj të shëndetshëm dhe me shkëlqim, herën tjetër kushtojini vëmendje këtyre pesë gabimeve që duhen shmangur.
Zbardhja shumë shpesh
Zbardhja e flokëve përfshin heqjen e pigmentit natyral nga flokët, gjë që mund të çojë në tharje, thyerje dhe rrallim të flokëve. Përdorimi i shpeshtë i kimikateve të ashpra mund t’i dobësojë flokët deri në atë pikë sa të bëhen të prirë për t’u thyer. Nëse dëshironi të zbardhni flokët, përpiquni ta bëni atë gradualisht dhe përdorni trajtime hidratues të thella për të minimizuar dëmtimet.
Mospërdorimi i mbrojtjes nga nxehtësia
Mjete për stilimin e flokëve si tharëse flokësh, hekura të sheshta dhe hekura për kaçurrela i ekspozojnë flokët në temperatura të larta që mund të thahen dhe dëmtojnë kutikulën e flokëve. Për të parandaluar dëmtimin, aplikoni gjithmonë një mbrojtës ndaj nxehtësisë përpara se të përdorni çdo pajisje që përdor temperatura të larta. Këto produkte krijojnë një shtresë mbrojtëse dhe reduktojnë efektet negative të nxehtësisë.
Krehja shumë e ashpër
Krehja e flokëve të lagur pa kujdesin e duhur mund të shkaktojë thyerje dhe rënie të flokëve. Flokët e lagur janë veçanërisht të ndjeshëm, ndaj rekomandohet të përdorni një krehër me dhëmbë të gjerë ose një furçë me qime të buta. Filloni të krihni nga majat e flokëve dhe gradualisht lëvizni drejt rrënjëve për të zvogëluar thyerjen.
Bisht i ngushtë
Të mbash një frizurë shumë të ngushtë, si bisht ose topuz i ngushtë, mund të shkaktojë tension në flokë dhe në lëkurën e kokës, gjë që mund të rezultojë në rënie të flokëve dhe në dobësim të folikulave. Vendosni herë pas here modele flokësh më të lirshme për të reduktuar presionin në rrënjë dhe për të parandaluar dëmtimin.
Shumë hekurosje
Edhe pse një ndreqës flokësh mund të jep një pamje dhe butësi të përsosur, përdorimi i tepërt i tij mund të shkaktojë dëme serioze në flokë. Temperaturat e larta i thajnë flokët dhe i bëjnë ato të brishtë. Në vend të kësaj provoni metoda alternative stilimi, si përdredhja e flokëve pa ngrohje, transmeton KosovaPress.
