Familja Bilalli nga Prishtina, e ka të vështirë mbijetesën. Pesë anëtarët jetojnë vetëm me një ndihmë sociale. Në mesin e tyre ka persona të sëmurë. Ata në këto festa të fundvitit presin ndihmën e bamirësve për të siguruar bukën e gojës.
“Deri tash me qaj e kemi ngrëne bukën, veç shkaku i djalit që me i ruajt paret e mos me lanë me heq keq”
Këtë hall e ka tash e disa vite Azem Bilalli, i cili e mbanë familjen 5 anëtarëshe në lagjen “Nexhmi Llumnica” në kryeqytet.
Bilalli që jeton me gruan, djalin, nënën dhe njerkën tregoi se nuk mund të ia dal të siguroj jetesën me paratë që i merr nga sociali, pasi askush nga familja e tij nuk punon.
Madje, ka familjar të sëmurë.
“Kushtet i kemi shumë të këqija, me një social nuk mundemi me ia dal 100 euro. Jam i sëmurë gruan e kam të sëmurë nanën e kam të paralizuar”, thotë ai.
Bilalli, i ka humbur aftësia për të punuar prej rrahjes që mori nga forcat serbe gjatë luftës në Kosovë.
E jeta për ta, ka qenë e vështirë. Por, telashe kanë edhe tani.
Se kushtet janë të vështira për këtë familje e tregon edhe zonja e shtëpisë.
“Kushtet janë shumë të këqija, shumë të liga, shumë shumë tepër të liga. Vet jam dal deri sa nuk e kam pas dorën e thyer në mbeturina, në konjtenjera, ku kam mundur. Edhe qentë më kanë hëngër. Miell nuk kemi, idare nuk kemi, kurgjo mbi këto tokë nuk kemi. Hiç, hiç miell nuk kemi në shtëp”, thotë Valdete Bilalli, zonja e shtëpisë.
Zonja e shtëpisë madje tregoi se thuajse të gjitha gjërat që i kanë në shtëpi i kanë marr nga mbeturinat.
“Deri tash që na i kanë sjellë këto mobile kemi flejtë në tokë, në sungjera të mbeturinave, këto tepihë vet i kam marr i kam la, krejt i kam marr në mbeturina edhe ende dal marr. Pa e thyer dorën jam kanë i kam marr tepihë në mbeturina i kam la se nuk kemi pas çka me shtruar”, shprehet ajo.
Së fundi në përpjekje për të siguruar ushqimin ajo pësoi një lëndim.
“Nuk kam pas pare as ilaçet nuk kam pas me çka me i marr. Ndihma e shpejtë është ardh e më ka dërgua, e falënderoj shumë, e jam shkuar te mjeku. Ilaçet nuk kam pas me çka me i ble se mjeku më tha ndodh që të trashet gjaku pa i pi barnat por nuk kam pas me çka me i ble. Jam mbet pa i ble dhimbje po kam boll por nuk kam çka me bo”, tregon Billalli.
Me gjithë hallet që kanë mbi supe, ata nuk mendojnë të festojnë Vitin e Ri.
“Vallahi nuk mendoj kështu me gjëra ushqimore e me të holla nuk ma merr mendja që mundemi me festua, se nuk ia dal, shikoja ilaçet asaj 100 euro ilaçe nuk i dalin prej diabetit”, shprehet ajo.
Andaj Billai kërkon të ndihmojë kushdo që ka mundësi.
“Boll vështirë po më vjen, kam emocione po nuk po kam qare se jam mbështet për gardhi nuk kam ka me ja mbajt më shumë”, thotë ajo .
Kjo familje pret ndihmën e bamirësve për ushqim, veshmbathje, ilaçe dhe shkollimin e djalit.
Numri i familjes Bilalli : 044 799 116
