Komisioneri për Zgjerim dhe Fqinjësi i Bashkimit Evropian, Oliver Varhelyi, ka thënë se themelimi i Asociacionit të komunave me shumicë serbe është parakusht për normalizim të raporteve.
Ai këto deklarime i ka bërë në një postim në Twitter, pas takimit që ka zhvilluar me kryetarin e Listës Serbe, Goran Rakiq, gjatë vizitës së tij në veri të Mitrovicës pasditen e së enjtes.
“Themelimi i Asociacionit të komunave me shumicë serbe është parakusht për normalizim dhe progres në rrugën e Kosovës drejt BE-së”, ka shkruar ai në Twitter.
Komisioneri i BE-së gjatë ditës ka takuar presidenten Vjosa Osmani dhe kryeministrin e Kosovës, Albin Kurti. Pas takimi me kryeministrin ai tha BE-ja po ofron mbështetje të madhe sa i përket zbatimit të marrëveshjes së dialogut me Serbinë, përfshirë këtu edhe Asociacionin, përcjell teve1.info
Ndërsa pas takimit me presidenten Osmani ai bëri thirrje që Kosova të luftojë korrupsionin.
