Emisarin për Ballkanin Perëndimor, Manuel Sarrazin, pas takimit më kryemistrin, Albin Kurti ka thënë se Gjermaia e dënon sulmin kundër Policisë së Koovës , ku mbeti i vrarë rreshteri, Agim Bunjaku.
“Është shumë e rëndësishme për mua që sot me qenë në Prishtinë. Dje kemi parë një situatë të tmerrshme. Dua ta them shumë qartë dhe fuqishëm që ne e dënojmë këtë sulm kriminal dhe terrorist kundër Policisë së Kosovës dhe jemi këtu për të shprehur solidarizimin tonë për familjarët dhe fëmijët e pjesëtarit të policisë dhe gjithë vendit. Jemi këtu në solidarizim dhe qëndrojmë në anën tuaj në këtë situatë”, tha ai.
Në Kosovë është shpallur ditë zie, vendimi është marrë nga presidentja Vjosa Osmani në shenjë respekti për policin e vrarë në afërsi të Banjskës, shkruan teve1.info
Presidentja Osmani, në përputhje me Kushtetutën, ka vendosur që e hëna e 25 shtatorit të shpallet ditë zie kombëtare për nder të policit Afrim Bunjaku, i vrarë në veri të Kosovës.
Të dielën në orët e para të mëngjesit në fshatin Banjskë të Zveçanit është sulmuar Policia e Kosovës nga një grup i armatosur, ku një polic është vrarë, një është plagosur e një tjetër është lënduar.
Institucionet e Kosovës kanë reaguar për rastin, ku të njëjtin e kanë cilësuar sulm terrorist.
