Punimet janë duke vazhduar në rrugën “Jim Xhema” e njohur ndryshe si rruga A.
Pavarësisht që ka një vendim nga Gjykata Komerciale që puna të pezullohet, kompania e aranzhuar nga komuna nuk është ndalur.
Tëvë1 ka kërkuar sqarime nga Gjykata Komerciale përkitazi me këtë lëndë. Zëdhënësja Albënora Bekteshi përmes një përgjigje me shkrim ka thënë se lënda është me ankesë dhe porsa të kryhen procedurat e parapara do të dërgohet në shkallën e dytë.
E vendimin e kësaj gjykate, kryetari i Prishtinës, Përparim Rama, në një prononcim për Tëvë1, e ka quajtur vendim politik.
E nga Lëvizja Vetëvendosje në Prishtinë, këto pretendime të Ramës po i vlerësojnë si akuza politike.
E ky nuk është i vetmi mospajtim ndërmjet LDK-së e Vetëvendosjes.
Lojërat Mesdhetare “Prishtina 2030” dhe projekti “Solar4Kosova”,ishin bërë shkaktare të një përplasje mes nivelit qendror dhe atij lokal, pasi pati akuza nga ministrat e Qeverisë Kurti për marrjen e meritave nga kryetari i Prishtinës.
Por këtë gara ndërmjet ekzekutivit qendror, dhe të parit të kryeqyteti po i shohin të paarsyeshme nga Instituti Kosovar për Qeverisje lokale.
Kurse sipas Asociacionit të Komunave të Kosovës, Qeveria Kurti nuk është bashkëpunuese me komunat në vend.
Ndryshe në prill të këtij viti, kishte filluar ndërtimi i fazës së parë të Rrugës A, e cila ishte planifikuar të ndërtohej për 240 ditë dhe e cila do të kushtonte 8.4 milionë euro.
