Molliqaj ka thënë se mënyra e trajtimit të rastit Dehari ka nxjerr në pah “të vërtetën e Lëvizjes Vetëvendosje”.
Ai thotë se emri i Astrit është përdorur për luftë të brendshme e të jashtme.
“Kush dëshiron ta kuptojë partinë në pushtet përmes një rasti, ju lutem përcjelleni rastin e Astritit. Nuk ekziston edhe një ilustrim më i qartë për natyrën dhe përmasat e instrumentalizimit të një çështjeje sesa çfarë tha e bëri VV përmes këtij rasti. Emri i tij dhe vdekja e tij është përdorur për luftë të brendshme e të jashtme. Atëbotë, Kurti dhe një grup rreth tij hynë në shpirtërat e njerëzve duke përdorur dhimbjen sikur ushujzat gjakun”, tha ai.
Sipas tij, edhe pse ka ardhur raporti i Institutit të Zvicrës për rastin Dehari, pushteti po hesht.
“Është e vërteta sepse është kapërcyell drejt një faze të re. Është bash momenti kur garanca historike bëhet veç instancë legjitimuese, kurse shtysa për pushtet shtyn secilin kufi. Sakaq ajo zbraz prirjet e brendshme prej viryti brenda një subjekti. Tash heshtin. Pushteti vazhdon. Kush po mërzitet për raportin e Institutit nga Zvicrra? Rasti i Astritit ka kryer punë”, tha Molliqaj. /teve1.info/