Asnjëri prej katërshes së UÇK-së, Thaçi, Veseli, Krasniqi e Selimi nuk ndoqën të mërkurën nga afër punimet e gjyqit të tyre.
Dëshmitari i 52-të i prokurorisë, u dëgjua në seancë të mbyllur.
Të pakta ishin minutat për publikun që të dëgjojnë se çfarë po thuhet se gjykatoren në Hagë.
Zyra e Prokurorit të Specializuar kërkoi nga trupi gjykues që të pranojnë një dëshmitar të ri dhe një dokument, që e potencuan se ua kanë siguruar autoritet serbe.
“ZPS-ja kërkon pranimin e dokumentit dhe dëshmitarit pasi i është përmendur emri në shumë faqe. Kolegët tanë kanë kontrolluar se përkthimi është i plotë. Ndërsa sa i takon origjinës dhe auticitetit, ZPS-së dokumentin ia kanë dhënë autoritet serbe. Në to tregohet saktë vendi, koha dhe ora se kur ky person është kapur nga UÇK-ja. Pra, tregohet qartë synimi për ta arrestuar”, tha Dounia Hattabi – prokurore e specializuar
Kjo u kundërshtua nga mbrojtja e Veselit.
“Për dokumentin në fjalë, nuk ka prova që tregojnë se ku është gjetur. Pa prova të tilla, mendojmë se nuk duhet të pranohet ky dokument i ZPS-së” Ann Rowean, avokate e Kadri Veselit.
Gjyqi i katërshës do të vazhdojë të hënën.
