Hysen Gecaj, ekspert i sigurisë ka deklaruar se sot sulmin mbi Policinë e Kosovës e ka bërë një grup i mirë organizuar, e këtë sipas tij, e dëshmon lloji dhe kalibri i armatimit të cilin ata e posedonin.
Madje sipas tij, ky grup nuk është futur në Kosovë sot, por se siç tha ai, njëherë është bërë grumbullimi sistematik i armatimit dhe i njerëzve e pastaj edhe studimi i terrenit.
“Lloji i armatimit të cilin ata e posedonin dhe përdornin gjatë ditës së sotme, mënyra si e përdornin ata atë armatim, kalibri i armatimit, automjetet të cilat i shofim nëpër media, të gjitha këto janë disa elemente që flasin për një grup të organizuar mirë. Nga ana tjetër ju e patë në sfond një automjet të tyre i cili është një prej automjeteve që është përdorë edhe gjatë luftës në Kosovë, dhe ky automjet unë besoj që nuk ka hy sot në Kosovë, këto automjete kanë qenë këtu dhe kanë mbet prej luftës së Kosovës përjashtu ndoshta ata xhipat e rinjë që i pamë”, tha Gecaj në emisionin special në Teve1.
“Ky grup nuk është futë as si i tëri në Kosovë përnjëherë, këtu është bërë një grumbullim sistematik edhe i armatimit edhe i njerëzve edhe i studimit të terrenit ku eventualisht do të zhvillohen luftimet që i ka paraparë ky grup”, shtoi ai./teve1.info./