Në “Info Nata” në Tëvë 1, Gashi thotë se problemi kryesor me të cilin është përballur qeverisja komunale ka qenë lidhur me prokurorimin.
Sipas tij, problemi kryesor ka qenë lidhur me procedurat e vendosjes së kritereve në aktivitetet e prokurimit në tenderë.
“Në mandatin që kaloi ka qenë një prej sfidave kryesore Zyra e Prokurimit në vazhdimësi kemi ngritur shqetësimet që kanë të bëjnë me procedurat vendosjen e kritereve në aktivitetet e prokurimit tenderave po ashtu kemi ngritur shqetësimet tona të vlerësimit të anëtarëve vlerësues të operatorëve ekonomikë një prej shqetësimeve ka qenë se disagjatë kohës së Agim Aliut kanë ndryshuar përgjegjës të zyrës së prokurorimit kemi pasur raste kur ne si AVONET kemi ngritur shqetësime ka të bëjë me operatorë që janë të papërgjegjshëm që kanë mashtruar”, tha ai.
Tutje, ai përmend edhe disa raste konkrete kur ka pasur shkelje në procedurat e prokurimit për shkak se një operatori ekonomik i janë ndarë 213 mijë euro për shtrimin e një rruge – për çka thotë se ka qenë e panevojshme.
“Ne kemi pasur vetëm një rast që ka të bëjë vetëm me një rast të kontratës së negocume ka qenë 213 mijë euro për një kanalizim me një fshat, gjatë kohës së pandemisë. Ne si OJQ kemi ngritur shqetësime se nuk është dashur të organizohet ai aktivitet prokurimi në negocim për shkak se kish mujt me u zhvillu në një formë të tillë, apo të hapur që kish lehtësu, kish jep mundësi të prokurimit.”, shtoi ai.
Po ashtu, Gashi deklaroi se ka pasur raste shumta kur operatorët ekonomikë kanë falsifikuar dokumentet për të përfituar tenderë të ndryshëm dhe se zyra e prokurimit nuk ka bërë verifikimin e tyre.
Përfaqësuesi i shoqërisë civile ka folur edhe për çështjen e urbanizmit, duke e quajtur mbindërtimin në qytet si “krim urban”.
Ai thotë se shumica e ndërtuesve në këtë qytet nuk posedojnë leje ndërtimi./teve1.info.
