Në njoftimin e Grupin Paralamnetar të AAK-së thuhet se Osmani ka dështuar t’i përmbush obligimet si presidente e vendit.
AAK thotë se Osmani në shumicën e rasteve është në shërbim të kryeministrit.
“Presidentja Osmani ka dështuar t’i përmbushë obligimet e saj si presidente e vendit, për të përfaqësuar unitetin e popullit. Në shumicën e rasteve është në shërbim të kryeministrit, në funksion të agjendës së tij.Andaj, Grupi Parlamentar i AAK-së refuzon të marrë pjesë në adresimin e Presidentes së Republikës së Kosovës”, thuhet në komunikatë.
Edhe PDK ka njoftuar se nuk do të marrë pjesë, ndërsa nga partitë opozitare vetë LDK-ja është duke marrë pjesë në adresimin vjetor të presidentes para deputetëve.
