Policia e Kosovës në Ferizaj, ka ndaluar një 48-vjeçar i cili po drejtonte veturën nën ndikimin e alkoolit.
Sipas njoftimit të PK-së, ndaj tij është shqiptuar një gjobë për kundërvajtje 200 euro dhe 6 muaj masë mbrojtëse, heqje e patentë shoferit.
Me këtë rast, Drejtoria Rajonale e Policisë në Ferizaj apelon tek shoferët e automjeteve që mos të drejtojnë automjetet e tyre nën ndikimin e alkoolit.
“Policia Rajonale e Komunikacionit Rrugor, sot rreth orës 01:30 të mëngjesit, në rrugën ‘’Vëllezërit Gërvalla’’ në Ferizaj ka ndaluar shoferin K.K (M/K) i moshës 48 vjeçar, i cili po drejtonte veturën nën ndikimin e alkoolit. Ndaj tij, policia i shqiptoi nga një gjobë për kundërvajtje 200 euro dhe 6 muaj masë mbrojtëse, heqje e patentë shoferit”, thuhet në njoftim.
