Dje pas mesnate në Leposaviq kanë ndodhur tri raste të djegies së veturave, dy prej të cilave kanë qenë me targa vendore RKS, ndërsa një tjetër me targa serbe BG, raporton teve1.info.
Sipas PK-së, dy burra njëri kosovar/serb e tjetri shtetas i Serbisë kanë raportuar se në rrethana të panjohura ju janë djegur nga zjarri veturat e tyre.
Ndërsa, rastin e tretë në Polici e ka raportuar një grua kosovare, e cila zyrtarëve policorë iu ka thënë se vetura e saj është djegur dje pasdite.
Përmes raportit është bërë e ditur se njësitë policore dhe zjarrfikësit kanë dalë në vendin e ngjarjes dhe kanë shuar zjarrin, derisa Policia thotë se rastet janë ende duke u hetuar.
“Leposaviq, 01.04.2023-03:40. Dy meshkuj, njëri kosovar/serb, dhe tjetri shtetas i Serbisë, kanë raportuar se në rrethana të panjohura u jenë djegur nga zjarri dy veturat e tyre, njëra me targa vendore RKS, ndërsa tjetra me targa serbe BG. Njësit relevante policore dhe zjarrfikësit kanë dalur në vendin e ngjarjes dhe kanë shuar zjarrin. Rasti është duke u hetuar.
Leposaviq 01.04.2023-04:05. Ankuesja femër kosovare, ka raportuar se nga zjarri i është djegur vetura e saj me targa vendore RKS. Njësit relevante policore dhe zjarrfikësit kanë dalur në vendin e ngjarjes dhe kanë shuar zjarrin. Rasti është duke u hetuar”, thuhet në raportin 24-orësh të Policisë së Kosovës. /teve1.info/
