Gjenerata e 58 e Policisë së Kosovës, një numër prej 449 kadetësh policorë i kanë nënshkruar kontratat e marrëdhënies së punës dje dhe sot.
“Pas nënshkrimit të kontratave pjesëtarët e rinj të PK-së në një numër prej gjithsej 449 kadetë policorë do të fillojnë trajnimin bazik me datën 12.04.2023”, thuhet në njoftimin e PK-së.
Tutje bëhet e ditur se kjo gjeneratë ka në përbërje kadetë të cilët janë ftuar nga lista e pritjes së konkursit të shpallur në vitin 2021 si dhe konkursit të shpallur në vitin 2023 për minoritete.
“Policia e Kosovës, të gjithë kandidatët që nuk kanë pasur mundësi të punësimit në Policinë e Kosovës, i inkurajon që të aplikojnë në konkurset e radhës për t’u bërë pjesë e PK-së”, bëhet e ditur tutje.
