Ka vdekur ish-lufëtari i Ushtrisë Çlirimtare të Kosovës, Agron Haradinaj, vëllau i ish-kryetarit të OVL-së së UÇK-së, Nasim Haradinajt.
Lajmin e ka bërë të ditur U.D i kryetarit të OVL-së së UÇK-së, Faton Klinaku.
Klinaku ka thënë se Haradinaj po vuante nga një sëmundje e rëndë si dhe po trajtohej jashtë shtetit.
“Agroni një jetë të tërë ishte në shërbim të Atdheut, para lufte, në luftë e në paqe. Bashkë më të vëllain Nasimin, angazhimin për vendin e kishte trashëguar nga i ati Smajl Haradinaj”.
“Ai ishte i burgosuri politik më i ri në moshë në Jugosllavinë e atëhershme ndërsa u shqua si njëri ndër luftëtarët më të zotë të Ushtrisë Çlirimtare”, ka shkruar Klinaku.