Qeveria e Kosovës ka marrë vendim për ndarjen e 100 eurove për punonjësit e ndërmarrjeve publike, të cilëve nuk u ishin ekzekutuar këto mjete për shkak të gabimeve teknike, raporton teve1.info
Sqarimin publik e ka dhënë përmes Facebookut, zëdhënësi i Qeverisë, Përparim Kryeziu, i cili tha se këto mjete janë ndarë në kuadër të masës 3.6, e cila ishte ekzekutuar në vitin e kaluar në kuadër të Pakos për Ringjalljen Ekonomike.
“Sqarim në lidhje me keqraportimin se Qeveria ka ndarë 100 euro shtesë për zyrtarët publikë.
Në mbledhjen e sotme nuk ka pasur një vendim të tillë. Sot janë ndarë vetëm mjetet shtesë prej 32 mijë euro për rastet e ankesave dhe gabimeve për punëtorët e ndërmarrjeve publike për masën 3.6, e cila ishte ekzekutuar në vitin e kaluar në kuadër të Pakos për Ringjalljen Ekonomike.
Ftojmë të gjitha ato medie që të përmirësojnë lajmin e dhënë”, ka shkruar Kryeziu.
