Borussia Moenchengladbach është skuadra e fundit që është futur në garë për shërbimet e mesfushorit Leon Avdullahu, i cili është pjesë e Baselit.
Mësohet se Gladbachu tashmë ka bërë gati ofertën për transferimin e Avdullahut në verë, duke ofruar rreth 8 milionë euro për kartonin e tij.
Avdullahu pëlqehet shumë nga Gladbachu, ekip që e sheh si zëvendësim për gjermanin Julian Weigl që do të largohet në fund të sezonit.
Krahas Gladbachut, interesim për shërbimet e kapitenit të Zvicrës U21, kanë shprehur edhe Borussia Dortmundi e Fiorentina.
21-vjeçari ka kontratë me Baselin deri në vitin 2028 dhe stili I lojës së tij, ngjason me atë të Granit Xhakës.
Në 32 ndeshje të luajtura këtë sezon për Baselin në të gjitha garat, Avdullahu ka shënuar 1 gol.
