Sulmuesi i Kombëtares së Kosovës, Astrit Selmani do të largohet këtë verë nga skuadra e Dinamo Bukureshtit.
Selmanit i skadon kontrata me klubin rumun, me të cilin nuk ka arritur marrëveshje bashkëpunimi përkundër insistimit të Dinamos për ta mbajtur në ekip.
Mësohet se marrëveshja mes palëve nuk është arritur pasi Selmani ka kërkuar pagë mujore prej 25 mijë eurosh, të cilën klubi nuk ka mundur t’ia ofrojë.
Selmani këtë sezon është golashënuesi më i mirë i Dinamo Bukureshtit, kun ë 27 paraqitje ka shënuar 11 gola dhe ka bërë 6 asistime.
27-vjeçari është pjesë e klubit rumun prej vitit të shkuar, ndërsa ka thënë se synimi i tij është që karrierën ta vazhdoj në njërën nga top-ligat e Evropës.
Selmani ka edhe 5 paraqitje dhe 1 gol të shënuar me Kombëtaren e Kosovës.
