Me recitimin e disa ajeteve Kuranore, u hap akademia solemne.
E pikërisht këto versete, para 4 dekadash, për herë të parë u përkthyen në gjuhën shqipe.
E gjitha kjo, falë punës së akademik Feti Mehdiut, në vitin 1985.
Ky i fundit ishte i pranishëm të mërkurën në Bashkësinë Islame të Kosovës.
Kjo me rastin e 40 vjetorit të botimit në shqip të librit të shenjtë.
“Ka dashtë Zoti që edhe unë ta pres këtë përvjetor…”, tha ai.
Në këtë përvjetor, nuk munguan as befasitë.
Shqipëruesit të parë të Kuranit në shqip, pas 40 vitesh iu kthye një kopje bashkë me kritikat për të.
Punën e Mehdiut, e quajti pasuri kombëtare myftiu i Kosovës, Naim Tërnava.
Ndërkohë albanologët, thanë se përpjekjet për shqipërimin e Kuranit filluan shumë më herët.
Në këtë akademi solemne, u përmenden të gjithë studiuesit që dhanë kontribut në përkthimin e Kuranit në gjuhën shqipe.
