Ndërkaq problem në vete mbetet definimi i këtyre hapësirave.
“Është një diskrepancë mes rregulloreve komunale, akteve nënligjore ose udhëzimeve administrative të nxjerra nga Ministria e Shëndetësisë ose ligjit për kontrollin e duhanit, sepse problemi kryesor është definimi i hapësirave të mbyllur. Me anë të senzorave mendoj që mund të ketë një krijim të një strukture e cila mund ta monitorojë dhe mund ta krijojë një zbatim të arsyeshëm të ligjit për duhan”, ka thënë Arian Vranica nga Shoqata e Gastronomëve.
E nga Ministria e Shëndetësisë thonë se në zbatimin e ligjit, ka pasur edhe ndërhyrje nga industria e duhanit.
Ka pasur ndërhyrje të vazhdueshme nga industria e duhanit për të zbehur zbatimin e ligjit. Sidoqoftë nuk guxojmë të ndalemi. Presim që me përmbylljen e legjislacionit adekuat për fushën e kontrollit të duhanit, të fokusohemi në implementim. Jo vetëm ne si Ministri e Shëndetësisë, por edhe ministritë e agjensionet e inspektoratet për zbatimin e këtij ligji”, shprehet zëvendësministrja Dafina Gexha
Ndërkohë nga Shoqëria Civile kërkojnë që në pakot e duhanit, të vendosen fotografi vetëdijësuese.
“Ligji është qe 9 vjet, kërkohet që të zbatohet. Kanë kaluar 6 vite edhe nuk i kemi ato fotografi”, thotë Arben Lila nga KADC.
Por ka qytetarë që e kanë ndaluar konsumimin e duhanit, madje pati prej atyre që për ta bërë një gjë të tillë e zgjodhën një ditë të veçantë.
Kosova gjatë vitit 2021 ka pasur rreth 3500 ton import të cigareve me vlerë 87 milion euro dhe total taksa të paguara rreth 236 milion euro.
Kronika e realizuar nga Albiona Hajdari
