Tre persona janë lënduar si dhe janë shkaktuar dëme materiale në një aksident që ka ndodhur të dielën rreth orës 21:00 në rrugën “C” në Prishtinë.
Zëdhënësja e Policisë për rajonin e Prishtinës, Flora Ahmeti tha për tëvë1.info se në aksident janë përshirë 5 automjet, dy nga to kanë qenë të parkuara.
“Në këtë aksident kanë qenë të përfshirë dy këmbësorë dhe 5 automjete ( tri automjete kanë qenë në lëvizje dhe dy të tjera të parkuara). Si pasojë e aksidentit lëndime trupore kanë pësuar 3 persona si dhe janë shkaktuar dëme materiale”, ka thënë Ahmeti.
Ajo bëri të ditur se ,e rastin po merret njësiti i trafikut.
