Televizioni Tëvë1 do të jetë sponsor medial i edicionit të tretë të Panairit Ndërkombëtarë të Turizmit “Kosova 2024”.
Marrëveshja për sponsorim është nënshkruar të hënën mes Drejtorit gjeneral të Televizionit Tëvë1, Mehmet Kalisi dhe Kryetarit të Unionit të Turizmit të Kosovës, Baki Hoti.
Kjo marrëveshje ka për qëllim përkrahjen dhe promovimin e aktiviteteve të Panairi, i cili do të mbahet më 12 dhe 13 prill në Prishtinë, nën patronatin e Komunës së Prishtinës.
Në Panairin Ndërkombëtar të Turizmit do të marrin pjesë mbi 300 kompani nga 15 shtete evropiane dhe më gjerë. Qëllimi kryesor i këtij Panairi është promovimi i potencialeve turistike të Kosovës.
Përkrahja mediale e këtyre aktiviteteve mundëson që të promovohet Kosova si një destinacion i rëndësishëm në hartën e turizmit.
