Ambasadori i BE-së në Kosovë, Tomas Szunyog ka potencuar sot se e mirëpret gatishmërinë e kryeparlamentarit Glauk Konjufca për t’u konsultuar me Komisionin e Venecias për ndryshimet e rishikuara në Ligjin për Këshillin Prokurorial të Kosovës.
“E mirëpres gatishmërinë e Kryeparlamentarit, Glauk Konjufca, për konsultim me Komisionin e Venecias për ndryshimet e rishikuara në Ligjin për KPK. Pajtueshmëria me standardet evropiane është prerogativë kryesore në zbatimin e reformave”, ka shkruar ai.
Qeveria e Kosovës ditë më parë ka miratuar ndryshimet në Ligjin e KPK-së, pasi Gjykata Kushtetuese kishte marrë vendim se ligji i kaluar nuk është në përputhje me Kushtetutën./teve1.info/
