Sveçla ka thënë se policët duhet të jenë të paprekshëm dhe të papenguar gjatë kryerjes së detyrës zyrtare.
Ai përmes një postimi në Facebook ka thënë se ngjarja në Skenderaj është sulm për rendin e Republikës.
“Policët e Republikës së Kosovës në ushtrimin legjitim të detyrave publike duhet të jenë paprekshmërisht të papenguar. Ata janë emri konkret i rendit publik. Nuk mund të kemi edhe Republikë edhe mungesë rendi. Ngjarja e sotme përveçse është e patolerueshme ligjërisht e moralisht përbën po ashtu sulm për rendin e Republikës”, ka shkruar ai në Facebook.
Sveçla u ka uruar shërim të shpejtë dy policëve të plagosur të cilët kanë thënë se do t’i vizitojë pas kthimit nga Brukseli.
“Mbes i bindur se nuk ka asgjë që mund t’i zmbraps ata dhe kolegët e tyre nga misioni që ia jep detyra e vullneti. Unë, por dhe të gjithë qytetarët presim që organet e drejtësisë të marrin masa, sipas ligjeve në fuqi dhe pa ekuivoke për sulmuesit”, ka shkruar ai.
Në rastin ku u sulmuan policët dy person janë në arrati, familjarë të ish-nënkryetarit të kësaj komune Nuredin Lushtaku, i cili gjatë ditës ishte intervistuar nga policia si përfshirë në këtë rast./teve1.info/
https://teve1.info/lajmet/sulm-ndaj-dy-policeve-ne-skenderaj-nuredin-lushtaku-lirohet-ne-procedure-te-rregullt/
