Kjo ambasadë thotë se një gjë e tillë është konfirmuar nga informatat e autoritete të Turqisë.
“Ambasada e Republikës së Kosovës në Ankara njofton se në bazë të informatave të siguruara nga autoritetet relevante të Republikës së Turqisë, në mesin e viktimave dhe të lënduarve nuk gjendet asnjë shtetas i Republikës së Kosovës. Për ata të cilët aktuaisht ndodhen në Stamboll, kërkojmë që të qëndroni vigjilentë dhe të ndiqni këshillat e autoriteteve lokale të sigurisë. Luten shtetasit tanë të cilët gjenden në Stamboll që në rast nevoje të kontaktojnë në numrin emergjent të Konsullatës së Përgjithshme të Republikës së Kosovës në Stamboll. +90 (531) 105 63 91”, thuhet në njoftimin e ambasadës.
Gjashtë persona kanë vdekur dhe mbi 50 janë lënduar pas shpërthimit të një bombe që ka ndodhur të dielën në Taksim.
Autoritet e Turqisë e kanë cilësuar si sulm terrorist, ndërsa që një grua dyshohet se kishte vendosur bombën në njërën nga ulëset ku ndodhi shpërthimi./teve1.info/
