Sekretari i NATO-s, Jens Stoltenberg në konferencë e përbashkët me presidenten e Kosovës, Vjosa Osmani, ka thënë se “Çdo zbarkim i forcave speciale në veri të vendit duhet të bëhet në koordinim me NATO-n.
I pyetur nëse është kriter i ri koordinimi edhe për zbarkimin e forcave speciale, pasi sipas marrëveshjes dypalëshe bëhet fjalë vetëm për Forcën e Sigurisë së Kosovës, Stoltenberg tha se secili zbarkim i forcave duhet të jetë në konsultim.
“Nuk është kriter i ri. Është baza e misionit për një kohë të gjatë tashmë. Çdo zbarkim i forcave speciale kërkon pajtimin e KFOR-it dhe ka nevojë për koordinim dhe konsultim të afërt mes autoriteteve në Prishtinë me çfarëdo lloj zbarkimi të forcave që mund të ndikojë pozitën tonë e sigurinë në Kosovë”, ka thënë Stoltenberg.
Ndërsa, presidentja e Kosovës, Vjosa Osmani, se marrëveshja e vitit 2013 e vë theksin vetëm te FSK-ja, dhe se Policia e Kosovës e ushtron detyrën prej më shumë se dy dekadash në të gjithë vendin pa dallim territori.
“Marrëveshja e vitit 2013, fokusohet vetëm te Forca e Sigurisë së Kosovës, Policia e Kosovës ka vepruar dhe ka ushtruar mandatin e vetë kushtetues në gjithë territorin e Kosovës për më shumë se dy dekada. Dje e festuam përvjetorin e krijimit të policisë, është forca më profesionale e shumë etnike në gjithë rajonin. Si parim insistoj që koordinimi me aleatë jo vetëm për veriun…”, tha ajo.
