Profesori, Nexhmedin Spahiu ka thënë se Lista Serbe ka humbur autoritetit në mesin e qytetarëve serbe.
Ai në “Edicionin Special” në Tëvë 1 ka thënë se mbajtja e referendumit në katër komunat veriore ka dëshmuar se Kosova di të respektojë ligjet e veta dhe vullnetin e qytetarëve të saj.
“Lista Serbe ka humbur autoritetin në mesin e qytetarëve me përkatësi etnike serbe, kjo është mese e vërtete. Nuk e dimë se në çfarë mase, është vështire me përcaktu përderisa nuk ka një matje direkte përmes zgjedhjeve. Gjithësisë nuk është më ajo Lista që fitonte 99 për qind. Tani mund të jetë më poshtë, mund të jetë më shumë se gjysma…sa është mbetet me u pa. Por, ky votim i sotëm d.m.th është një shans e madhe për Kosovën, e cila dëshmojë se di t’i respektojë ligjet e veta, di të respektojë demokracinë, ta respektojë vullnetin e 20 për qindëshit që kanë votuar dhe pavarësisht që një pjesë e tyre i kanë renë pishman dhe nuk po dalin në zgjedhje”, ka deklaruar ai.
Qytetarët në veri të vendit janë duke votuar në referendumin për shkarkimin apo jo të kryetarëve të katër komunat veriore.
Qendrat e votimit janë hapur në orën 07:00 dhe deri më tani ka pasur përqindje të ultë të qytetarëve për të votuar.
Ndërsa, deri në orën 11:00 sipas KQZ-së, në katër komunat në veri kanë votuar 85 qytetarë.
