Njohësi i Integrimeve Evropiane, Demush Shasha, ka thënë se Franca nuk ka mundësi që në krye në vete të pezulloj liberalizimin e vizave.
Ai ka thënë se një gjë e tillë ligjërisht është e pamundur.
Shash duke ju referuar një deklarate të Macron sa i përket liberalizimit të vizave, ka thënë se nëse Macron ka qëndrim të ri, duhet të sqarohet.
“Sot këshilla kryesore diplomatike për Kosovën është: buzëqesh dhe mos thuaj asgjë. Kosova ka kryer të gjitha detyrat e veta të shtëpisë dhe mund të rri komod për liberalizimin e vizave. Ne veç jena tu e prit të buzëqeshur 1 janarin 2024. Eh tash nëse Presidenti Macron ka një qëndrim të ri lidhur me liberalizimin e vizave është mirë të sqarohet. Sot ai vetëm ka konfuzuar me deklaratën e tij. Ka zero mundësi që Franca në mënyre unilaterale dhe krye në vetë të pezulloj liberalizimin e vizave. Kjo është ligjërisht e pamundshme. Kam thënë edhe më herët. Për mua rregulli i artë sa i përket pezullimit të liberalizimit të vizave është ky: mos merrni seriozisht asgjë deri sa nuk dëgjoni Komisionin Evropian duke folur për të. Deri atëherë çdo gjë që dëgjoni është pjesë normale e lojërave dhe negociatave politike”, ka shkruar Shasha në Facebook.
Ndryshe gjatë një konference për media në Tiranë, Macron sipas përkthimit zyrtar ai tha se Franca ka marrë vendim për pezullim të vizave për Kosovën.
Ndërsa në një sqarim Zyra e presidentit të Francës, Emmanuel Macron ka thënë se çështja e liberalizimit të vizave për Kosovën mbetet e hapur.
