Ditëve të fundit kanë filluar të qarkullojnë propozime të cilat thonë se “Procesi i Berlinit” duhet të rishikohet.
E nëse një gjë e tillë ndodhë, Arbresha Loxha nga Instituti për Studime Politike dhe Juridike, thotë se të gjitha vendeve duhet t’u krijohet qasje e barabartë.
“Ne konsiderojmë që në qoftë se diskutohet ashtu siç diskutohet në opinionin publik mundësitë për njëfarë mënyre rishikim të procesit të Berlinit, nëse veç Bashkimi Evropian ose shteti gjerman ka ndarë mendjen për të bërë një gjë të tillë, është shumë e rëndësishme që këtu të qartësohet që fillimisht të gjitha shtetet do të kenë trajtim dhe qasje të barabartë dhe asnjë shtet të mos ketë qasje të çfarëdo qoftë diskriminuese në trajtim. Por, edhe njëkohësisht perspektiva të jetë shumë e qartë për të gjitha vendet dhe çështja e Status-Quos e cila ka ndodhë gjatë viteve të fundit, një herë e mirë të marrë fund”, tha ajo.
Njohësi i çështjeve politike nga Shqipëria, Afrim Krasniqi, thotë se vizita e kancelarit gjerman Olaf Scholz, që pritet të realizohet muajin e ardhshëm në Ballkan, do të ketë ndikim në rikthimin e procesit të Berlinit.
Impakti i parë i vizitës do të jetë rikthehet procesi dhe liderët politik janë të detyruar të ndërtojnë një agjendë të re në raport me Bashkimin Evropian dhe agjenda nuk është vetëm duke kritikuar ose duke kërkuar atë çfarë ti ke interes, por edhe duke mbajt përgjegjësi dhe duke marrë përgjegjësi dhe në këtë lloj aspekti është një zhvillim pozitiv, në aspektin politik. Impakti i dytë është detyrimi i qeverive tona në rastin e Shqipërisë dhe Kosovës që të angazhojnë burimet e tyre njerëzore të paraqesin projekte.
Procesi i Berlinit ka për qëllim përmirësimin e qeverisjes së përbashkët ekonomike rajonale – në kuadër të perspektivës evropiane të vendeve të Ballkanit Perëndimor.
Kronika e realizuar nga gazetari Valmir Gallopeni
<iframe src=”https://www.facebook.com/plugins/video.php?height=314&href=https%3A%2F%2Fwww.facebook.com%2Fteve1.official%2Fvideos%2F952547212091999%2F&show_text=false&width=560&t=0″ width=”560″ height=”314″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>
