Ai ka thënë se punimet në këtë kompleks priten të fillojnë në pranverën e vitit tjetër. Sipas tij, punimet do të zgjasin për më shumë se dy vjet.
Zogaj tha se ekspertët kanë vlerësuar se shtëpitë e rezistencës mund të mbijetojnë edhe për pak kohë, por sipas tij, ato mund të rrezikohen vetëm në rast që ka ndonjë tërmet.
“Po shpresojmë që deri në pranverë do ta kemi edhe projektin dhe nga viti i ardhshëm do të fillojmë konservimin e shtëpive të rezistencës po edhe gjithë projektin me objektet e tjera përcjellëse. Komuniteti ndërministror kishte caktuar një komision të ekspertëve që kanë pasur obligim deri në fund të viti të na sjellin detyrën projektuese, po është insistuar nga ky komision që të vije detyra projektuese më herët dhe kjo është realizuar. Në pranverë do të fillojmë restaurimin e shtëpive të rezistencës pastaj me vazhduar me projekte të tjera në atë kompleks, ka thënë Zogaj për Ekonomia Online.
Ai ka thënë se sipas vlerësimit kullat edhe për një kohë të shkurtër nuk mund të jenë të rrezikuara
“ Ekspertet kanë vlerësuar që Kullat e rezistencës edhe për një kohë të shkurtër nuk mund të jenë të rrezikuara, dashtë Zoti të mos ketë ndonjë termet, përndryshe ata kanë llogaritur se edhe për një kohë mund ti qëndrojnë kohës”, tha ai.
Zogaj ka folur edhe për sfidat të cilat i kanë si agjenci, duke cekur këtu se rritja e çmimeve i ka penguar ata për shumë procedura.
Ai shtoi se si agjenci ata kanë prioritet konservimin e objekteve të luftës.
