Sipas Qunit kjo rezistencë do të vijë nga qytetarët të cilët do ta bëjnë jo nga vullneti po nga frika nga grupet kriminale që nuk është arritur të shpërbëhen dhe të cilat veprojnë në veri.
“Nga momenti që ne do të rezistojmë për shtrirjen e ligjshmërisë, ne duhet të kuptojmë që do të kemi rezistencë, rezistencë të qytetarëve jo që ata e bëjnë me vullnet, jo që ata e kanë dëshirë po ja që kanë frikë nga grupet kriminale nga grupet paramilitare të cilat ne nuk kemi arritu t’i shpërbëjmë dhe jemi të vetëdijshëm që ato veprojnë në veri dhe do të sfidohemi deri tek konfliktet fizike, do të sfidohen autoritete e Kosovës, institucionet, organizatat e sigurisë”, tha ai.
Tutje Deputeti i LDK-së në emisionin “ResPublika” në Tëvë1 tha se të gjitha këto procese do të jenë sfiduese për Kosovën pa ndihmën e SHBA-së dhe BE-së.
“Të gjitha këto procese pa e pasur afër, mbështetje, bashkëpunim, kodrinim autoritetet e shteteve të Bashkuara të Amerikës përkrahjen e Bashkimit Evropian do të jetë shumë sfiduese për ne”, shtoi Quni./Teve1.info/
