Bardh Ahmeti nga Partia SocialDemokrate e Kosovës, thotë se Asociacioni thellon ndarjen etnike në mes serbëve dhe shqiptarëve në Kosovë.
Sipas tij, pas formimit të Asociacionit dy figurat më të rëndësishme në Kosovë do të jenë kryeministri i Kosovës dhe kryetari i “Zajednicës”.
“Krejt këto garanca kanë qenë edhe në herën e parë kur është bërë marrëveshje e vitit 2015. Madje, Isa Mustafa e ka fut në marrëveshje një pikë e cila do ta dërgojë këtë marrëveshje në Gjykatën Kushtetuese. Pra, Kurti nuk ka marrë asgjë më shumë, sesa ajo që ka marrë Isa Mustafa në vitin 2015. Krejt neve na kujtohet që kjo nuk na ka mjaftuar. Sepse, për neve edhe në kohën sa kemi qenë në Vetëvendosje edhe sot që jemi PSD, thelbi i Asociacionit është që është njëetnik, pra e thellon ndarjen etnike në mes të serbëve dhe shqiptarëve në Kosovë, pra ky është problemi i parë. Dy njerëz më të rëndësishëm prej themelimit të Asociacionit në Kosovë kanë me qenë kryeministri i Kosovës dhe kryetari i ‘Zajednicës’, pra këta dy njerëz kanë me qenë më të rëndësishmit në Kosovë, të cilët kanë me vendos për shumë çështje”, tha ajo në emisionin “Ditari” në Tëvë1.
Ahmeti, thotë se Asociacioni ka me pas të drejtë me caktu drejtonin e Policisë për Mitrovicën Veriore.
“Asociacioni i komunave me shumicë serbe ka me pas të drejtë me caktu drejtorin e Policisë për Mitrovicën Veriore, një gjë të tillë nuk mundet me bë rajoni i Dukagjinit, p.sh.. Pra, shumicën e kompetencave të komunave e merr Asociacioni, nuk mundemi me thënë që nuk ka kompetenca”, shtoi ai./teve1.info/
