Edhe dita e 14-të e protestuesve, Komunën e Leposaviqit e gjeti të rrethuar me gjemba.
Por, kjo ndryshoi në mesditën e së enjtes.
Kjo pasi KFOR-i u vu në lëvizje për ta larguar telin me gjemba para Komunës së Leposaviqit, të vendosur ditë më parë.
E kjo lëvizje zgjoi kureshtjen e protestuesve serbë.
Këta të fundit edhe të enjten, u mblodhën simbolikisht në numër, për të protestuar para komunës së Leposaviqit.
E njërit prej tyre duket se i eci pazari të enjten.
Ai një pjesëtar i KFOR-it, i cili duket se i jep para një protestuesi të ri serb.
E në këmbim, ky i fundit i jep flamurin e shtetit serb.
Për këtë veprim, Tëvë1 ka pyetur KFOR-in nëse është në përputhje me rregullat e tyre.
Por deri në publikimin e lajmit, këta nuk kanë kthyer përgjigje.
E situatë e qetë të enjten, ishte edhe në Komunën e Zveçanit.
Edhe këtu, protestuesit vazhduan qëndrimin para objektit të komunës.
Ndërsa në kryes të protestës edhe në ditën e 14-të qëndruan krerët e Listës Serbe.
Por, për dallim nga ditët e tjera, para objektit të komunës të enjten nuk u panë autoblindat e njësitit special të Policisë së Kosovës.
Këto të fundit ishin zhvendosur në pjesën prapa komunës.
Ky i fundit u dënua me burgim të përjetshëm nga Gjykata Ndërkombëtare për krime luftë në Bosnjë dhe Hercegovinë.
