Petkoviq u shpreh se me çdo video të publikuar nga Kurti apo nga Sveçla – të cilin ai e quajti “i forti i Kurtit”, janë më të vendosur në qëllimin e tyre që të mos heqin dorë nga “Targat legale dhe legjitime të lëshuar nga shteti i Serbisë”.
“Targat KM nuk mund të jenë të paligjshme, sepse ato lëshohen nga autoritetet e Republikës së Serbisë në përputhje me të gjitha procedurat ligjore në territorin e tyre dhe pranohen kudo në botë”, tha ai, raporton N1.
“Kjo tregon qartë se asnjë video-mesazh dhe kërcënim nga Kurti dhe Sveçla së bashku nuk mund t’i frikësojë serbët në Kosovë, sepse askush nuk mund t’ua heqë të drejtën për të qenë qytetarë të Serbisë ‘që nuk duan të jetojnë në të ashtuquajturin shtet të Kurtit””, shtoi Petkoviq.
Ndryshe, procesi për kthimin e targave nga ato ilegale në “RKS” ka nisur më 1 shtator dhe përfundon më 31 tetor.
Kurti dhe Sveçla vazhdimisht u kanë bërë thirrje serbëve të Kosovës që t’i kthejnë targat e veturave në ato legale./teve1.info/