Ai në konferencën për medie pas mbledhjes së Qeverisë, tha se ky projektligj i miratuar në Qeveri, i hap rrugës për miratimin e pagës minimale në mungesë të një propozimi nga Këshilli Ekonomik Social.
“Ky projektligj e shënon hapjen e rrugës për miratimin e pagës minimale, sot nuk e kemi miratuar. Projektligji parasheh, shkëputjen e pagës minimale nga çfarëdo benificioni social që ka qenë në të kaluarën dhe krijimin e sigurisë juridike; i mundëson Qeverisë së Kosovës që të marrë vendimin për pagë minimale në mungesë të një propozimi nga Këshilli Ekonomik Social; dhe ngrit pragun e tatueshmërisë së pagës, pra 250 eurot e para lirohen nga tatimi”, tha Murati.
Ai ka thënë se tash Projektligji do të procedohet për në Kuvend ku shprehu besimin që për shkak të rëndësisë deputet do të gjejnë koncensues dhe ta votojnë sa më shpejtë Projektligjin.
Ai tha se do të ishte rëndësishme por edhe për simbolikë që Projektligji të votohet më 1 maj.
“Shpresojmë që duke marrë parasysh rëndësinë e këtij projektligji dhe nevojën që kanë shumë prej atyre familjeve që punojnë me pagë minimale, që në Kuvend deputetët të gjejnë koncensusesin e nevojshëm, ku mund të kalojnë me procedurë të përshpejtuar mund të kalohet edhe brenda javës. Do të ishte tepër e rëndësishme, ndoshta edhe një shënim simbolik nëse ky Projektligj do të miratohej dhe do të hynte në fuqi më 1 maj, pra kur është edhe dita e punëtorëve”, tha Murati.
Sipas Projektligjit paga minimale pritet të jetë 264 euro bruto./Teve1.info.
