Partia Demokratike e Kosovës do të vije me dy propozime në seancat e Kuvendit që do të mbahen të mërkurën dhe të enjten.
Në seancën e së mërkurës, deputeti Abelard Tahiri ka thënë se do të kërkojnë shkarkimin e ministres Rozeta Hajdari.
Teksa një ditë më pas do të kërkohet ndryshimi i vlerës së koeficientit të Ligjit për Paga.
“Trajtimi jo meritor dhe pagat e pamjaftueshme përballë inflacionit, si për punëtorët në sektorin publik ashtu edhe për ata në sektorin privat, janë faktorë që po rrënojnë mirëqenien e familjeve dhe po nxisin largimin e të rinjve e profesionistëve nga Kosova. Me koeficientin e Qeverisë Kurti, kjo nxitje është legjitimuar. Prandaj, ky koeficient që nxitë zbrazjen e Kosovës është i papranueshëm. PDK-ja do të kërkojë rishikimin dhe rritjen e tij në vlerën prej 120 Eurosh”, ka shkruar Tahiri.
