Shtëpia e anëtares së LDK-së, Shqipe Pantina është bastisur të premten nga Policia e Kosovës.
Në lidhje më këtë ka reaguar Pantina, e cila tha se lajmet se vëllai i saj është munduar që të ik nga policia nuk është i vërtetë.
Ajo tha se ai ka qenë gjysmë i përgjumur dhe ka ngatërruar dalje, ku edhe është lënduar.
“Dje emri im dhe i familjes sime është lakuar në disa medie: Është e vërtetë së shtëpia e vëllait tim është bastisur dje, por është e vërtetë se aty nuk është gjetur asgjë, këtë e ka vërtetuar sot edhe Gjykata. Vëllai im nuk akuzohet për asgjë. Është e vërtetë se ai ka pësuar lëndime serioze dje, por është e vërtetë se ai nuk ka tentuar të i ike arrestimit. Gjysmë i përgjumur ( në jerem) ai ka ngatërruar daljen nga dhoma”, ka thënë ajo.
Ajo tha se vëllai i saj është jashtë rrezikut për jetë dhe më lëndime të rënda trupore.
Ndryshe, të premten ka ndodhur një aksion i hershëm i Njësisë Speciale të Policisë së Kosovës në Gllarevë të Klinës. Policia gjatë këtij aksioni ka arrestuar disa persona me dyshimet për shitblerje të narkotikëve.
Në këtë aksion është raportuar në media se është bastisur edhe shtëpia e Bujar Pantinës, i cili duke tentuar të shmangë arrestimin nga Policia, ka kërcyer nga lartësia dhe është dërguar me urgjencë në spital.