Radhët për të marr shërbime mjekësore janë në çdo objekt të Qendrës Klinike Universitare të Kosovës.
Pacientëve iu duhet që të presin edhe më vite për tu trajtuar në QKUK.
Këto pritje sipas menaxhmentit të QKUK-ës po ndodhin për shkak të numrit të vogël të anesteziologëve.
“ShSKUK po punon intensivisht që ato të reduktohen, por për degët kirurgjike sfidues mbetet mungesa dhe numri i kufizuar i anesteziologëve. Në Klinikën e Radiologjisë ka avancime në këtë drejtim”, thuhet në përgjigjen e ShSKUK-së.
E pacientët janë duke pritur me muaj edhe në klinikë e Radiologjisë.
Radha e qytetarëve që presin për rezonancë magnetik shkon deri në dhjetorin e vitit 2023, thotë Shkëndije Nuza drejtoreshë e Radiologjisë.
Ndërsa sipas gazetarit të shëndetësisë, Bujar Vitisë, mungesa e stafit ka bërë që lista e pritjes se pacientëve të jeta e gjatë.
Këto pritje të pacientëve, sipas deputetit të partisë demokratike të Kosovës, Bekim Haxhiut po dëmton buxhetin e pacientëve.
Ministri i Shëndetësisë, Arben Vitia ditë më parë kishte thënë se synimet janë që listat e pritjes të reduktohen deri në 50%.
Kronika e realizuar nga gazetarja Doresa Geci
