Presidentja e Kosovës, Vjosa Osmani, ka thënë se largimi i masave ndaj Kosovës të vendosura nga Bashkimi Evropian, do të krijonte situatë të barabartë në dialog.
Ajo këto komente i ka bërë në një takim të rregullt që ka zhvilluar me ambasadorin e ShBA-së në Kosovë, Jeffrey Hovenier.
“Në takim është diskutuar për zhvillimet e fundit në vend, përfshirë zhvillimet në dialogun me Serbinë. Në këtë drejtim, Presidentja Osmani ritheksoi rëndësinë e largimit të masave për të krijuar një situatë të barabartë në tryezën e dialogut”, thuhet në komunikatë.
Tutje, Presidentja Osmani dhe ambasadori Hovenier diskutuan edhe për koordinimin e agjendës ndërkombëtare të Presidentes Osmani.
Në prag të 4 Korrikut, Ditës së Pavarësisë së SHBA-ve, Presidentja përcolli urimet më të mira për popullin amerikan, duke rikonfirmuar përkushtimin e Kosovës për forcimin e vazhdueshëm të aleancës me Shtetet e Bashkuara.
Përfaqësuesi i lartë i BE-së, Josep Borrell ka dërguar një raport të vendet anëtare ku rekomandohet heqja graduale e masave ndaj Kosovës.
