Takimi me presidenten Osmani do të zhvillohet nga ora 14:30, ka njoftuar Presidenca.
Ndërsa, takimi me Kurtin sipas njoftimit të Qeverisë do të zhvillohet në ora 16:30.
Asnjëra nga institucionet nuk kanë paralajmëruar se do të ketë deklarime pas takimit.
Bashkë me Escobar ishte paralajmëruar edhe vizita e Këshilltarit të lartë i Departamentit amerikan të Shtetit, Derek Chollet. Por ai thuhet se ka anuluar vizitën për arsye familjare.
Vizita e Escobar në Kosovë ndodhë në kohën kur në veri të Mitrovicës ka tensionim të situatës.
Atje janë vendosur barrikada në disa rrugë lokale, ndërsa që ka pasur shpërthime me shok-bombë në disa lagje. Poashtu me shok-bombë është sulmuar edhe një patrull e EULEX-it, kurse kanë ndodhur dy sulme me armë zjarri ndaj Policisë së Kosovës, ku një polic është lënduar lehtë.
Këto veprime janë bërë pas arrestimit të ish-policit të Kosovës, Dejan Pantiq nën dyshimet për përfshirje në sulme kundër zyrtarëve të Komisionit Qendror të Zgjedhjeve në veri të Kosovës dhe atyre policorë./teve1.info/