Osmani e Kurti gjatë qëndrimit në ShBA do të zhvillojnë disa takime

Atje ata do të marrin pjesë në ceremoninë e varrimit të ish-sekretares amerikane të shtetit, Madeleine Albright.

Ndërkaq, Presidenca e Kosovës ka njoftuar se përveç ceremonisë së varrimit, krerët shtetërorë do të realizojnë edhe takime tjera në Washington.

“Me ftesë të familjes Albright, Presidentja e Republikës së Kosovës, Vjosa Osmani Sadriu dhe Kryeministri i Republikës së Kosovës, Albin Kurti kanë udhëtuar në Shtetet e Bashkuara për të marrë pjesë në varrimin e mikes së madhe të Kosovës, ish-sekretares amerikane të shtetit, Madeleine Albright. Gjatë qëndrimit në Washington ata do të realizojnë edhe takime të tjera”, thuhet në njoftim./teve1.info/.