Përmes njoftimit të Presidencës është bërë e ditur se në takim u diskutuan zhvillimet e fundit në Veriun e Kosovës ku Osmani ka theksuar se institucionet janë të përkushtuar të vazhdojnë koordinimin e plotë me partnerët ndërkombëtarë.
“Presidentja e Republikës së Kosovës, Vjosa Osmani priti sot në takim ambasadorin e Austrisë në Kosovë, z. Christoph Weidinger. Në takim u diskutuan zhvillimet e fundit në veriun e Kosovës. Presidentja Osmani ka ritheksuar se institucionet e Kosovës janë të përkushtuara ta vazhdojnë koordinimin e plotë me partnerët ndërkombëtarë, ashtu siç janë koordinuar edhe deri më tani”, thuhet ndër tjerash në njoftim.
Tutje, bëhet e ditur se presidentja ka kërkuar që Bashkimi Evropian të jetë më i zëshëm karshi tendencave destabilizuarse të Serbisë në Kosovë e rajon.
Po ashtu, Osmani ka theksuar se Kosova pret mbështetjen e vazhdueshme të Austrisë në procesin e liberalizimit të vizave.
“Presidentja Osmani kërkoi që Bashkimi Evropian të jetë më i zëshëm karshi tendencave destabilizuese të Serbisë në Kosovë e rajon. Më tej, në takim me ambasadorin Weidinger, ka theksuar se Kosova mbetet e përkushtuar për të kontribuar për paqen dhe stabilitetin në vend dhe rajon. Presidentja Osmani theksoi se Kosova pret mbështetjen e vazhdueshme të Austrisë për procesin e liberalizimit të vizave, si dhe anëtarësimit në organizata ndërkombëtare. Në kontekst të diskutimit me ambasadorin Weidinger, Presidentja Osmani foli edhe për organizimin e Forumit për Gratë, Paqen dhe Sigurinë, në muajin tetor të këtij viti në Prishtinë”, thuhet në njoftim./teve1.info/
