Ministria e Arsimit Shkencës dhe Teknologjisë, Arbërie Nagavci ka bërë të ditur se konkursi për rishikimin e teksteve shkollore është hapur të enjten.
Ajo ka thënë se ky proces është shumë i rëndësishëm dhe se do të jetë shumë dimensional.
Nagavci në një intervistë për emisioni InfoNATA në Tëvë 1, ka thënë fillimisht do të bëhet rishikimi i teksteve të lëndëve të gjuhës shqipe dhe matematikë nga klasa e parë deri në të nëntën.
“ Do të jetë shumë dimensional, pra do të shikohen tekstet ekzistuese edhe në aspektin shkencor, pedagogjik , aspektin e barazisë gjinore gjithëpërfshirës në mënyrë që të ofrohen tekste më të mira të mundshme për fëmijë tanë, mësimdhënësit dhe prindërit”, ka thënë Nagavci.
Ajo ka folur edhe për procesin e vlerësimit të mësimdhënësve. Ka thënë se vlerësime ka pasur edhe në të kaluarën, por që janë bërë brenda shkollave.
“Ne jemi duke e rishikuar gjithë pakon e udhëzimeve administrative të cila besojmë se do të qojnë në përmirësimin e rezultateve të nxënësve. Në javën e ardhshme do të ketë dëgjim publik. Në këtë linjë ne kemi parapri që të ketë edhe shtesë për përformancë. Por për të marrë këtë vlerësim duhet të ketë një vlerësim profesional”, tha ajo.