Gjatë javës së ardhshme moti në Kosovë do të jetë me diell i shoqëruar me vranësira e riga shiu.
Dita e parë e javës do të jetë e vranët dhe me intervale me diell.
Gjatë ditës parashihen riga shiu dhe shkarkime rrufesh Temperaturat minimale do të lëvizin ndërmjet 9-12 gradë Celsis, ndërsa maksimalet e ditës parashihen të lëvizin ndërmjet 19-25 gradë Celsius.
Sipas Institutit Hidrometeorologjik të Kosovës të martën e mërkurën moti do të jetë kryesisht i vranët por edhe intervalet e shkurta me diell do të jenë prezente. Parashihen reshje me shkarkime rrufesh.
“E enjte- Mot i vranët por me ulje të lehta të temperaturave maksimale dhe shkarkime rrufesh. Parashihen reshje të intensitetit të ndryshueshëm. Të premten – Mot kryesisht me vranësira dhe me intervale të kohë pas kohëshme me diell. Vranësirat parashihen të sjellin riga shiu të shoqëruara me shkarkime rrufesh”, thuhet në njoftim.
Gjatë vikendit parashihet mot kryesisht me diell dhe stabil./teve1.info/
