Qytetarë të shumtë nga e gjithë Kosova, por që jetojnë jashtë vendit, vazhdojnë ta kenë destinacion për vizitë kompleksin memorial “Adem Jashari” në Prekaz.
Këtë vend ata po e quajnë historik, bashkë me sakrificën e familjes Jashari.
“Jetojmë në Belgjikë, kemi ardhë me i vizitu me dy çikat e mia. S’ka fjalë për këtë. Tregon vet kjo, përderisa kam qenë edhe pjesëtar vet një pjesë të vogël”
“Ky vend historik është, dihet çka është tek është. Ky e ka vendosë çështjen e Kosovës”
Kompleksin Memorial “Adem Jashari”, erdhi ta vizitojë edhe një familje nga Shqipëria.
“Nga obligimi për të njoftë historinë. Për të parë edhe Kosovën, na sollën vajza me dhëndrin sepse ne s’i kishim mundësitë dhe na sollën”
Edhe qytetarë të tjerë, të cilët jetojnë në Kosovë, thonë se e ndjejnë obligim, që fëmijët e tyre të mësojnë për sakrificën e familjes Jashari.
“Kam ardhë disa herë ta vizitoj këtë vend, por deshta që edhe fëmijëve t’ju prezantoj, te shohin si kanë luftu, si ka qenë gjendja. Janë fëmijë që duhet me ditë historinë e kombit shqiptar, për atë arsye kemi ardhë”
Më 5, 6 dhe 7 mars të vitit 1998, në Prekaz të Skenderajt, forcat serbe sulmuan shtëpitë e familjes Jashari, duke lënë të vrarë mbi 50 anëtarë të kësaj familjeje.
