Mbi 92 mijë pacientë janë trajtuar në Klinikën Emergjente në QKUK gjatë 2022, përderisa kjo klinikë mbetet institucioni më i ngarkuar me pacientë në sistemin publik shëndetësor.
Po ashtu gjatë vitit që lamë pas në Emergjencë u kryen 1 mijë e 146 operacione në sallat operative emergjente dhe 5 mijë e 66 intervenime në sallën e vogël të intervenimeve, ka njoftuar ShSKUK.
Njoftimi i plotë:
Mbi 92 mijë pacientë u trajtuan në Klinikën Emergjente
Klinika Emergjente e Qendrës Klinike Universitare të Kosovës (QKUK), vazhdon të mbetet institucioni më i ngarkuar me pacientë në sistemin publik shëndetësor në vend.
Sipas të dhënave zyrtare nga kjo klinikë, 92 mijë e 615 pacientë kanë marrë shërbime mjekësore emergjente, gjatë vitit 2022.
-Shërbimi Internistik, 26 mijë e 608 pacientë
– Shërbimi Kirurgjik, 20 mijë e 671 pacientë, Shërbimi i Reanimacionit, 19 mijë e 809 pacientë
-Shërbimi i Ortopedisë, 19 mijë e 861 pacientë
Po ashtu, janë kryer 1 mijë e 146 operacione në sallat operative emergjente dhe 5 mijë e 66 intervenime në sallën e vogël të intervenimeve.
